ತಾಜಾ ಸುದ್ದಿ ರಾಜಕೀಯ ಕ್ರೈಂ ನ್ಯೂಸ್ ರಾಜ್ಯ-ಜಿಲ್ಲೆ ದೇಶ-ವಿದೇಶ ಸೋಷಿಯಲ್ ಮೀಡಿಯಾ ಮನರಂಜನೆ ಕಾನೂನು ಜೀವನಶೈಲಿ ಕ್ರೀಡೆ ಗುರುಪರಂಪರೆ ವಿಡೀಯೋ English News

ಬಸವಣ್ಣನವರ ವ್ಯಕ್ತಿತ್ವಕ್ಕೆ ಮಸಿ ಬಳಿಯಲು ಹೊರಟವರು ತಾವೇ ಮಸಿಯಾಗುತ್ತಾರೆ: ಸಾಣೇಹಳ್ಳಿ ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾಸ್ವಾಮೀಜಿಗಳು

On: November 16, 2026 11:59 AM
Follow Us:

ಸಾಣೇಹಳ್ಳಿ: ಕೆಲವರಿಗೆ ದೊಡ್ಡವರನ್ನು ಕೆಣಕಿದರೆ ತಾವು ದೊಡ್ಡವರಾಗಬಹುದು ಎಂಬ ಭ್ರಮೆ. ಶ್ರೇಷ್ಠ ವ್ಯಕ್ತಿತ್ವಗಳನ್ನು ವಿವಾದದ ಕಟಕಟೆಯಲ್ಲಿ ನಿಲ್ಲಿಸಿ, ಅವರ ಘನತೆಗೆ ಧಕ್ಕೆ ತರುವ ಪ್ರಯತ್ನ ಮಾಡಿದರೆ ತಮ್ಮ ಹೆಸರು ಮುನ್ನೆಲೆಗೆ ಬರುತ್ತದೆ ಎಂಬುದು ಇಂತಹವರ ಹುಚ್ಚು ಕಲ್ಪನೆ. ಆದರೆ ಇತಿಹಾಸದ ಪುಟಗಳಲ್ಲಿ ಶಾಶ್ವತವಾಗಿ ಉಳಿದಿರುವ ಶ್ರೇಷ್ಠ ಚೇತನಗಳ ವ್ಯಕ್ತಿತ್ವಕ್ಕೆ ಮಸಿ ಬಳಿಯಲು ಹೊರಡುವವರು, ಕೊನೆಗೆ ತಮ್ಮ ವ್ಯಕ್ತಿತ್ವಕ್ಕೇ ಮಸಿ ಬಳಿದುಕೊಳ್ಳುತ್ತಾರೆ. ಬಸವಣ್ಣನವರಂತಹ ಯುಗಪುರುಷ ಸಮಾಜ ಸುಧಾರಕರ ವ್ಯಕ್ತಿತ್ವವನ್ನು ಪ್ರಶ್ನಿಸುವುದರಿಂದ ಅವರ ಘನತೆ ಕುಂದುವುದಿಲ್ಲ, ಬದಲಾಗಿ ಅಂತಹ ಪ್ರಯತ್ನ ಮಾಡುವವರ ವಿಚಾರಧಾರೆಯೇ ಬಹಿರಂಗವಾಗುತ್ತದೆ. ಇಂತಹ ಕ್ಷುಲ್ಲಕ ಮನೋಭಾವದ ವ್ಯಕ್ತಿಗಳ ಬಗ್ಗೆ ಮತ್ತೆ ಮತ್ತೆ ಮಾತನಾಡುವುದು, ಬರೆಯುವುದು ಎಂದರೆ ಕೆಸರಿಗೆ ಕಲ್ಲು ಎಸೆದಂತೆ. ಆದ್ದರಿಂದ ಅವರಿಗೆ ಪ್ರಚಾರದ ವೇದಿಕೆ ಕಲ್ಪಿಸದೆ, ಉದಾಸೀನವಾಗಿ ಮುಂದೆ ಸಾಗುವುದೇ ವಿವೇಕದ ನಡೆ ಎಂದು ಸಾಣೇಹಳ್ಳಿ ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾಸ್ವಾಮೀಜಿಗಳು ಅಭಿಪ್ರಾಯಪಟ್ಟಿದ್ದಾರೆ.

ಬಸವಾದಿ ಶರಣರು ಕೇವಲ ಧಾರ್ಮಿಕ ವ್ಯಕ್ತಿಗಳಲ್ಲ, ಅವರು ಐತಿಹಾಸಿಕ ಹಿನ್ನೆಲೆಯುಳ್ಳ, ನೈಜ ಧಾರ್ಮಿಕ ಪ್ರಜ್ಞೆ ಮತ್ತು ಸಾಮಾಜಿಕ ಕಳಕಳಿಯನ್ನು ಹೊಂದಿದ್ದ ಮಹಾನ್ ಅನುಭಾವಿಗಳು. ಸಮಾಜದ ಅಂಕುಡೊಂಕುಗಳನ್ನು ತಿದ್ದಿ, ಸಮಾನತೆ, ಮಾನವೀಯತೆ ಮತ್ತು ಮೌಲ್ಯಾಧಾರಿತ ಬದುಕಿಗೆ ದಾರಿ ತೋರಿದವರು. ಅವರ ಚಿಂತನೆಗಳು ಮತ್ತು ವಚನಗಳು ಇಂದಿಗೂ ಸಮಾಜಕ್ಕೆ ದಾರಿದೀಪವಾಗಿವೆ. ಇಂತಹ ಶರಣರ ತತ್ವಾದರ್ಶಗಳನ್ನು ಆಳವಾಗಿ ಅರಿತು, ಜೀವನದಲ್ಲಿ ಅಳವಡಿಸಿಕೊಂಡು, ಮುಂದಿನ ಪೀಳಿಗೆಗೆ ಪರಿಚಯಿಸುವ ಹಾಗೂ ಅವುಗಳ ಪ್ರಚಾರ ಮತ್ತು ಪ್ರಸಾರ ಮಾಡುವ ಕಾರ್ಯ ಇಂದಿನ ಸಂದರ್ಭದಲ್ಲಿ ತುರ್ತಾಗಿ ನಡೆಯಬೇಕಾಗಿದೆ ಎಂದು ತಿಳಿಸಿದ್ದಾರೆ.

ಬಸವಣ್ಣನವರನ್ನು ಅಥವಾ ಬಸವಾದಿ ಶರಣರನ್ನು ನೇರವಾಗಿ ವಿರೋಧಿಸುವವರಿಗೆ ನಿರಂತರವಾಗಿ ಪ್ರತಿಕ್ರಿಯೆ ನೀಡುತ್ತಾ ಹೋದರೆ, ಅನಗತ್ಯವಾಗಿ ಅವರನ್ನೇ ದೊಡ್ಡವರನ್ನಾಗಿ ಮಾಡಿದಂತಾಗುತ್ತದೆ. ಅಂತಹ ವ್ಯಕ್ತಿಗಳ ಟೀಕೆಗಳಿಗೆ ಪ್ರಾಮುಖ್ಯತೆ ನೀಡುವ ಬದಲು ಬಸವಾದಿ ಶರಣರ ತತ್ವಗಳ ಮಹತ್ವ, ವಚನಗಳ ವೈಚಾರಿಕ ಶಕ್ತಿ ಮತ್ತು ಅವುಗಳಲ್ಲಿರುವ ಸಾಮಾಜಿಕ ಮೌಲ್ಯಗಳ ಕುರಿತು ಹೆಚ್ಚು ಮಾತನಾಡಬೇಕು. ಶರಣರ ವಿಚಾರಧಾರೆಯನ್ನು ಜನಮಾನಸಕ್ಕೆ ತಲುಪಿಸುವ ಮೂಲಕವೇ ಅಪಪ್ರಚಾರ ಮತ್ತು ತಪ್ಪು ವ್ಯಾಖ್ಯಾನಗಳಿಗೆ ಸೂಕ್ತ ಉತ್ತರ ನೀಡಲು ಸಾಧ್ಯ ಎಂದು ಹೇಳಿದ್ದಾರೆ.

ಸಮಾಜದಲ್ಲಿ ಕೇಳಿಬರುವ ಪ್ರತಿಯೊಂದು ಕ್ಷುಲ್ಲಕ ಅಭಿಪ್ರಾಯಕ್ಕೂ ಪ್ರತಿಕ್ರಿಯಿಸುತ್ತಾ ನಿಂತಲ್ಲೇ ನಿಲ್ಲಬಾರದು. ಟೀಕೆ-ಟಿಪ್ಪಣಿಗಳ ನಡುವೆ ತಮ್ಮ ಮೂಲ ಆಶಯ ಮತ್ತು ಜವಾಬ್ದಾರಿಯನ್ನು ಮರೆಯಬಾರದು. ಬಸವತತ್ವದ ಜ್ಯೋತಿಯನ್ನು ಕೈಯಲ್ಲಿ ಹಿಡಿದುಕೊಂಡು ಸಮಾಜದ ಒಳಿತಿಗಾಗಿ ನಿರಂತರವಾಗಿ ಮುನ್ನಡೆಯುವುದೇ ಮಠಗಳ ಮತ್ತು ಮಠಾಧೀಶರ ಪ್ರಮುಖ ಗುರಿಯಾಗಬೇಕು. ಬಸವಣ್ಣನವರ ವಿಚಾರಧಾರೆ ಕೇವಲ ಚರ್ಚೆ, ವಿವಾದಗಳಿಗೆ ಸೀಮಿತವಾಗದೆ ಜನರ ಬದುಕಿನಲ್ಲಿ ಆಚರಣೆಗೆ ಬರಬೇಕು. ಶರಣರ ವಚನಗಳ ಆಶಯಗಳು ಸಮಾಜದ ಪ್ರತಿಯೊಂದು ವರ್ಗಕ್ಕೂ ತಲುಪುವಂತೆ ಮಾಡುವುದೇ ನಿಜವಾದ ಧಾರ್ಮಿಕ ಮತ್ತು ಸಾಮಾಜಿಕ ಸೇವೆಯಾಗುತ್ತದೆ ಎಂದು ಶ್ರೀ ಪಂಡಿತಾರಾಧ್ಯ ಶಿವಾಚಾರ್ಯ ಮಹಾಸ್ವಾಮೀಜಿಗಳು ಹೇಳಿದ್ದಾರೆ.

K.M.Sathish Gowda

Join WhatsApp

Join Now

Facebook

Join Now

Read more

ವೀರಶೈವ–ಲಿಂಗಾಯತ ಒಂದೇ ಧರ್ಮ, ಸಮಾಜವನ್ನು ಒಡೆಯುವುದಲ್ಲ; ಒಗ್ಗೂಡಿಸುವುದೇ ನಮ್ಮೆಲ್ಲರ ಸಂಕಲ್ಪವಾಗಲಿ: ಶಂಕರ್ ಮಹಾದೇವ ಬಿದರಿ

ಪೆಗಾಸಸ್ ಗೂಢಚರ್ಯೆ ವಿವಾದಕ್ಕೆ ಹೊಸ ತಿರುವು: ಬಿಜೆಪಿ ನಾಯಕರ ಫೋನ್‌ಗಳನ್ನೂ ಕೇಂದ್ರ ಸರ್ಕಾರ ಕದ್ದಾಲಿಸಿತ್ತು – ಪ್ರಿಯಾಂಕ್ ಖರ್ಗೆ ಆರೋಪ

ಶಾಲಾ ಮಕ್ಕಳ ಮುಂದೆ ದ್ವೇಷದ ಭಾಷಣ: ಶಾಸಕ ಹರೀಶ್ ಪೂಂಜಾ ವಿರುದ್ಧ ಕಾನೂನು ಕ್ರಮಕ್ಕೆ ಸಚಿವ ಮಧು ಬಂಗಾರಪ್ಪ ಸೂಚನೆ

ಹತ್ತು ಲಕ್ಷ ಅಭಿಮಾನಿಗಳ ಸಂಭ್ರಮಕ್ಕೆ ಶ್ರೀ ತರಳಬಾಳು ಜಗದ್ಗುರುಗಳ ಸಾನ್ನಿಧ್ಯ; ‘ಧನ್ಯವಾದ ಕರ್ನಾಟಕ’ ವೇದಿಕೆಯಲ್ಲಿ ಜ್ಞಾನ–ವಿಜ್ಞಾನದ ಚಿಂತನಾಮೃತ

ಬಸವಕಲ್ಯಾಣ ಅಭಿವೃದ್ಧಿ ಮಂಡಳಿಯ ನೂತನ ನಿರ್ದೇಶಕ ಎಚ್.ಪಿ. ಗಿರೀಶ್ ಅವರಿಗೆ ಗೌರವದ ಸನ್ಮಾನ

ಭದ್ರಾ ಅಚ್ಚುಕಟ್ಟು ಪ್ರದೇಶದ ರೈತರ ಮೊಗದಲ್ಲಿ ಮಂದಹಾಸ ಮೂಡಿಸಿದ ನೀರು ಹರಿಸುವ ನಿರ್ಧಾರ! ರೈತರ ಸತತ ಪ್ರಯತ್ನಕ್ಕೆ ಫಲ, ಭದ್ರಾ ನಾಲೆಗಳಿಗೆ ನೀರು ಬಿಡುಗಡೆ: ಹೆಚ್.ಆರ್. ಬಸವರಾಜಪ್ಪ

Leave a Comment