ಶಿವಮೊಗ್ಗದ ಸಹಕಾರಿ ರಂಗದಲ್ಲಿ ಹೊಸ ಮೈಲುಗಲ್ಲು: “ಗೆಳೆಯರ ಬಳಗ ಸಹಕಾರ ಸಂಘದ” ನೂತನ ಕಚೇರಿ ಉದ್ಘಾಟನೆ – ಅನಿಲ್ ಕುಂಚಿ ನಾಯಕತ್ವಕ್ಕೆ ಗಣ್ಯರ ಶ್ಲಾಘನೆ!

ಶಿವಮೊಗ್ಗ: ಶಿವಮೊಗ್ಗದ ಪ್ರತಿಷ್ಠಿತ ಸಹಕಾರಿ ಸಂಸ್ಥೆಗಳಲ್ಲಿ ಒಂದಾದ “ಗೆಳೆಯರ ಬಳಗ ಸೌಹಾರ್ದ ಸಹಕಾರಿ ಸಂಘ ನಿಯಮಿತ” ಇತಿಹಾಸದಲ್ಲಿ ಇಂದು ಹೊಸದೊಂದು ಸುವರ್ಣ ಅಧ್ಯಾಯ ಲಿಖಿತವಾಗಿದೆ. ನಗರದ ವಿನೋಬನಗರದ ಕರಿಯಣ್ಣ ಬಿಲ್ಡಿಂಗ್ ಬಳಿಯ ಈಶ ಕಾಂಪ್ಲೆಕ್ಸ್‌ನಲ್ಲಿ ಸಂಘದ ಹೊಸ ತಂತ್ರಜ್ಞಾನದ, ವಿಶಾಲವಾದ ಹಾಗೂ ನವೀಕೃತ ನೂತನ ಕಚೇರಿಯ ಭವ್ಯ ಉದ್ಘಾಟನೆ ಮತ್ತು ಮಹಾಲಕ್ಷ್ಮಿ ಪೂಜಾ ಕಾರ್ಯಕ್ರಮವು ಅತ್ಯಂತ ಯಶಸ್ವಿಯಾಗಿ ನೆರವೇರಿತು. ಇದು ಕೇವಲ ಕಚೇರಿಯ ಸ್ಥಳಾಂತರವಲ್ಲ, ಬದಲಿಗೆ ಶಿವಮೊಗ್ಗದ ಸಹಕಾರಿ ರಂಗದಲ್ಲಿ ಗ್ರಾಹಕರ ನಂಬಿಕೆ ಮತ್ತು ತಂತ್ರಜ್ಞಾನದ ಮುನ್ನಡೆಗೆ ಸಾಕ್ಷಿಯಾದ ಒಂದು ಹೊಸ ಮೈಲುಗಲ್ಲು!

ಗೆಳೆತನದ ವಿಶ್ವಾಸವೇ ಗೆಳೆಯರ ಬಳಗದ ಶಕ್ತಿ; ಅನಿಲ್ ಕುಂಚಿ ಜನಪರ ನಾಯಕ – ಶಾಸಕ ಎಸ್.ಎನ್. ಚನ್ನಬಸಪ್ಪ

​ನೂತನ ಕಚೇರಿಯನ್ನು ಉದ್ಘಾಟಿಸಿ ಮಾತನಾಡಿದ ಶಿವಮೊಗ್ಗ ಕ್ಷೇತ್ರದ ಶಾಸಕರಾದ ಎಸ್.ಎನ್. ಚನ್ನಬಸಪ್ಪ ಅವರು, “ಗೆಳೆಯರ ಬಳಗ” ಎಂಬ ಹೆಸರಿನಲ್ಲೇ ಒಂದು ಅದ್ಭುತವಾದ ಆಕರ್ಷಣೆ ಇದೆ. ಗೆಳೆತನದ ಸೌಹಾರ್ದತೆಯೇ ಈ ಸಂಘದ ಯಶಸ್ಸಿನ ಗುಟ್ಟು ಎಂದು ಬಣ್ಣಿಸಿದರು. ಸಂಘದ ಅಧ್ಯಕ್ಷರಾದ ಎಂ.ಆರ್. ಅನಿಲ್ ಕುಂಚಿ ಅವರ ನಾಯಕತ್ವವನ್ನು ಮುಕ್ತಕಂಠದಿಂದ ಶ್ಲಾಘಿಸಿದ ಶಾಸಕರು, ಅನಿಲ್ ಕುಂಚಿ ಅವರು ಹುಟ್ಟು ಹೋರಾಟಗಾರರು. ಸದಾ ಸಾರ್ವಜನಿಕರ ಸುಖ-ದುಃಖಗಳಲ್ಲಿ ಭಾಗಿಯಾಗುತ್ತಾ, ಸಮಾಜದ ಮಧ್ಯೆಯೇ ಇರುವ ಅವರ ಜನಪರ ಕಾಳಜಿ ಶ್ಲಾಘನೀಯ ಎಂದರು.

​ಸಹಕಾರ ಕ್ಷೇತ್ರದಲ್ಲಿ ಅನಿಲ್ ಕುಂಚಿ ಅವರು ಅತ್ಯಂತ ದೊಡ್ಡ ಮಟ್ಟದಲ್ಲಿ ಬೆಳೆಯುವ ಎಲ್ಲಾ ಅರ್ಹತೆ ಹೊಂದಿದ್ದಾರೆ. ನಿಷ್ಠೆ ಮತ್ತು ಸೇವಾ ಮನೋಭಾವ ಒಂದೇ ವೇಳೆ ಕಾಣಿಸುತ್ತಿದೆ. ಜಿಲ್ಲೆಯಾದ್ಯಂತ ಗೆಳೆಯರ ಬಳಗ ತನ್ನದೇ ಆದ ಛಾಪು ಮೂಡಿಸಿ ಜನರ ವಿಶ್ವಾಸದ ಪ್ರತೀಕವಾಗಲಿ ಎಂದು ಚನ್ನಬಸಪ್ಪ ಹಾರೈಸಿದರು. ಯುವಜನರಿಗೆ ಉದ್ಯೋಗ, ಮಧ್ಯಮ ವರ್ಗಕ್ಕೆ ಆರ್ಥಿಕ ನೆರವು ಹಾಗೂ ಸಮಾಜಕ್ಕೆ ಭರವಸೆ ನೀಡುವ ಸಂಸ್ಥೆಯಾಗಿ ಈ ಸಂಘ ಬೆಳೆಯುವ ಎಲ್ಲಾ ಲಕ್ಷಣಗಳು ಕಾಣಿಸುತ್ತಿವೆ ಎಂದು ಹೇಳಿದರು.

ಸಹಕಾರವೇ ಸಮಾಜದ ಆರ್ಥಿಕ ಶಕ್ತಿ; ಸಾರ್ವಜನಿಕರ ವಿಶ್ವಾಸ ಗಳಿಸಿ ಗೆಳೆಯರ ಬಳಗ ಇನ್ನಷ್ಟು ಬಲಿಷ್ಠವಾಗಲಿ: ಡಾ. ಧನಂಜಯ್ ಸರ್ಜಿ

​ವೇದಿಕೆ ಕಾರ್ಯಕ್ರಮವನ್ನು ಉದ್ಘಾಟಿಸಿ ಮಾತನಾಡಿದ ವಿಧಾನ ಪರಿಷತ್ ಸದಸ್ಯರಾದ ಡಾ. ಧನಂಜಯ್ ಸರ್ಜಿ ಅವರು, ದೇಶದ ಹಾಗೂ ಸ್ಥಳೀಯ ಜನರ ಆರ್ಥಿಕ ಮತ್ತು ಸಾಮಾಜಿಕ ಸಬಲೀಕರಣಕ್ಕೆ ಸಹಕಾರ ಸಂಘಗಳ ಪಾತ್ರ ಅತ್ಯಂತ ಭದ್ರ ಬುನಾದಿಯಾಗಿದೆ ಎಂದರು. ಸ್ಥಳೀಯ ಜನಸಾಮಾನ್ಯರ ಆರ್ಥಿಕ ಬೆಳವಣಿಗೆಗೆ ಪೂರಕವಾಗಿರುವ ಈ ರಂಗಕ್ಕೆ ಪ್ರಧಾನಿ ನರೇಂದ್ರ ಮೋದಿಯವರು ಸಹಕಾರ ಸಚಿವಾಲಯದ ಮೂಲಕ ಹೆಚ್ಚಿನ ಉತ್ತೇಜನ ನೀಡುತ್ತಿದ್ದಾರೆ. ಈ ನಿಟ್ಟಿನಲ್ಲಿ ಎಂ.ಆರ್. ಅನಿಲ್ ಕುಂಚಿ ಅವರ ನೇತೃತ್ವದ ಈ ಸಂಘವು ಸಾರ್ವಜನಿಕರಿಗೆ ಅತ್ಯುನ್ನತ ಗುಣಮಟ್ಟದ ಸೇವೆಯನ್ನು ನೀಡಲಿ ಎಂದು ಆಶಿಸಿದರು.

ದೇಶದಲ್ಲಿ 8.5 ಲಕ್ಷ, ರಾಜ್ಯದಲ್ಲಿ 42 ಸಾವಿರ ಹಾಗೂ ಜಿಲ್ಲೆಯಲ್ಲಿ 1,268 ಸಹಕಾರಿ ಸಂಘಗಳಿದ್ದು, ಇವು ದೇಶದ ಆರ್ಥಿಕ ಸದೃಢತೆಗೆ ಪ್ರೇರಕವಾಗಿವೆ. ಇದರಲ್ಲಿ ಜಿಲ್ಲೆಯ 25 ಸೊಸೈಟಿಗಳು ಶತಮಾನೋತ್ಸವ ಆಚರಿಸಿರುವುದು ಜಿಲ್ಲೆಯ ಹೆಮ್ಮೆ. ಇದೇ ಹಾದಿಯಲ್ಲಿ ‘ಗೆಳೆಯರ ಬಳಗ ಸೌಹಾರ್ದ ಸಹಕಾರಿ ಸಂಘ’ವು ಅತ್ಯಂತ ಸದೃಢವಾಗಿ ಬೆಳೆದು ಆರ್ಥಿಕ ಪ್ರಗತಿ ಸಾಧಿಸಿ ಉತ್ತುಂಗಕ್ಕೇರಲಿ ಎಂದು ಶುಭ ಹಾರೈಸಿದರು. ಇದೇ ವೇಳೆ ಅವರು, “ಸಾಲ ಪಡೆಯುವಾಗ ಇರುವ ಉತ್ಸಾಹ ಅದನ್ನು ಮರುಪಾವತಿಸುವಾಗಲೂ ಇರಬೇಕು. ಪಡೆದ ಸಾಲವನ್ನು ಸದ್ಬಳಕೆ ಮಾಡಿಕೊಂಡು ಆರ್ಥಿಕ ಪ್ರಗತಿ ಕಾಣಬೇಕು. ಸಾಲ ವಸೂಲಾತಿಯಲ್ಲಿ ಪ್ರಗತಿ ಸಾಧಿಸಿದರೆ ಸಂಸ್ಥೆ ಹೆಚ್ಚಿನ ಲಾಭಗಳಿಸಲು ಸಾಧ್ಯ” ಎಂದು ಗ್ರಾಹಕರಿಗೆ ಕಿವಿಮಾತು ಹೇಳಿದರು.

ಅತ್ಯಾಧುನಿಕ ಕಚೇರಿ, ಜನಪರ ಚಿಂತನೆ; ಗೆಳೆಯರ ಬಳಗಕ್ಕೆ ನಮ್ಮ ಸಂಪೂರ್ಣ ಸಹಕಾರ – ಕೆ.ಎಸ್. ಈಶ್ವರಪ್ಪ

ಮಾಜಿ ಉಪಮುಖ್ಯಮಂತ್ರಿಗಳಾದ ಕೆ.ಎಸ್. ಈಶ್ವರಪ್ಪ ಹಾಗೂ ಮಾಜಿ ಜಿಲ್ಲಾ ಪಂಚಾಯತ್ ಸದಸ್ಯರಾದ ಕೆ.ಇ. ಕಾಂತೇಶ್ ಅವರು ನೂತನ ಕಚೇರಿಗೆ ಭೇಟಿ ನೀಡಿ ಸಂಸ್ಥೆಯ ನವ್ಯ ವಿನ್ಯಾಸ ಹಾಗೂ ಅಚ್ಚುಕಟ್ಟುತನವನ್ನು ಕಂಡು ಆಡಳಿತ ಮಂಡಳಿಗೆ ವಿಶೇಷ ಮೆಚ್ಚುಗೆ ವ್ಯಕ್ತಪಡಿಸಿದರು.

​ಈ ವೇಳೆ ಮಾತನಾಡಿದ ಕೆ.ಎಸ್. ಈಶ್ವರಪ್ಪ ಅವರು, “ಎಂ.ಆರ್. ಅನಿಲ್ ಕುಂಚಿ ಅವರು ಸದಾ ಸಾಮಾಜಿಕ ಕ್ಷೇತ್ರದಲ್ಲಿ ಸಕ್ರಿಯರಾಗಿರುವ ಸೇವಾ ಮನೋಭಾವದ ವ್ಯಕ್ತಿ. ಅವರು ಎಲ್ಲಾ ವರ್ಗದ ಜನರಿಗೆ ನೆರವಾಗಲೆಂದೇ ಇಷ್ಟೊಂದು ಸುಂದರವಾದ ಹಾಗೂ ಅತ್ಯಾಧುನಿಕ ಕಚೇರಿಯನ್ನು ರೂಪಿಸಿದ್ದಾರೆ. ಇವರ ಈ ಪರಿಶ್ರಮಕ್ಕೆ ನಮ್ಮ ಸಂಪೂರ್ಣ ಸಹಕಾರ ಸದಾ ಇರುತ್ತದೆ. ಈ ಸಂಘವು ಜಿಲ್ಲೆಯಲ್ಲೇ ಅತ್ಯುನ್ನತ ಮತ್ತು ಮಾದರಿ ಸಹಕಾರ ಸಂಘವಾಗಿ ಬೆಳಗಲಿ” ಎಂದು ಹಾರೈಸಿ, ಆಡಳಿತ ಮಂಡಳಿಯ ಪದಾಧಿಕಾರಿಗಳ ಕಾರ್ಯಕ್ಷಮತೆಯನ್ನು ಮುಕ್ತಕಂಠದಿಂದ ಶ್ಲಾಘಿಸಿದರು.

ಸಮಾಜದ ಆರ್ಥಿಕ ಸಬಲೀಕರಣಕ್ಕೆ ಭದ್ರ ಬುನಾದಿ: ಡಿ.ಎಸ್. ಅರುಣ್

ವಿಧಾನ ಪರಿಷತ್ ಸದಸ್ಯ ಡಿ.ಎಸ್. ಅರುಣ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ, ಗೆಳೆಯರ ಬಳಗ ಸೌಹಾರ್ದ ಸಹಕಾರಿ ಸಂಘವು ಸದಸ್ಯರ ವಿಶ್ವಾಸ ಗಳಿಸಿ ಇನ್ನಷ್ಟು ಅಭಿವೃದ್ಧಿಯತ್ತ ಸಾಗಲಿ ಎಂದು ಶುಭ ಹಾರೈಸಿದರು. ಸ್ಥಳೀಯ ಜನರ ಆರ್ಥಿಕ ಹಾಗೂ ಸಾಮಾಜಿಕ ಬೆಳವಣಿಗೆಗೆ ಶ್ರಮಿಸುತ್ತಿರುವ ಸಂಸ್ಥೆಯಾಗಿ ಇದು ಇನ್ನಷ್ಟು ಬಲಿಷ್ಠವಾಗಲಿ ಎಂದರು.

ಅಧ್ಯಕ್ಷ ಎಂ.ಆರ್. ಅನಿಲ್ ಕುಂಚಿ ಅವರ ನೇತೃತ್ವದ ತಂಡದ ಕಾರ್ಯವೈಖರಿಯನ್ನು ಮೆಚ್ಚಿದ ಅವರು, ಯುವಶಕ್ತಿ, ಸೇವಾ ಮನೋಭಾವ ಮತ್ತು ಪಾರದರ್ಶಕ ಆಡಳಿತದ ಮೂಲಕ ಗೆಳೆಯರ ಬಳಗ ಸಹಕಾರಿ ಕ್ಷೇತ್ರದಲ್ಲಿ ಹೊಸ ಭರವಸೆ ಮೂಡಿಸಿದೆ ಎಂದು ಹೇಳಿದರು. ಸದಸ್ಯರ ವಿಶ್ವಾಸವನ್ನು ಬಂಡವಾಳವನ್ನಾಗಿ ಮಾಡಿಕೊಂಡು ಕಾರ್ಯನಿರ್ವಹಿಸುತ್ತಿರುವ ಅನಿಲ್ ಕುಂಚಿ ಹಾಗೂ ಅವರ ತಂಡ ಮುಂದಿನ ದಿನಗಳಲ್ಲಿ ಜಿಲ್ಲೆಯ ಮಾದರಿ ಸಹಕಾರಿ ಸಂಸ್ಥೆಯಾಗಿ ಗುರುತಿಸಿಕೊಳ್ಳುವ ಎಲ್ಲಾ ಸಾಮರ್ಥ್ಯ ಹೊಂದಿದೆ ಎಂದು ಪ್ರಶಂಸಿಸಿದರು.

ನಮ್ಮ ಇಲಾಖೆಯ ಸಂಪೂರ್ಣ ಸಹಕಾರ ಇರುತ್ತದೆ: ಜಿಲ್ಲಾ ಉಪನಿಬಂಧಕ ಶ್ರೀನಿವಾಸ್

ಸಹಕಾರ ಸಂಘಗಳ ಜಿಲ್ಲಾ ಉಪನಿಬಂಧಕ ಶ್ರೀನಿವಾಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಸಹಕಾರ ಸಂಘಗಳ ಕಾಯ್ದೆ, ಸಾರ್ವಜನಿಕರೊಂದಿಗೆ ನಡೆಸಬೇಕಾದ ಜವಾಬ್ದಾರಿಯುತ ಕಾರ್ಯವೈಖರಿ ಕುರಿತು ಮಾಹಿತಿ ನೀಡಿದರು. “ಜನರ ವಿಶ್ವಾಸ ಗೆಲ್ಲುವ ಸಂಸ್ಥೆಗಳೇ ದೀರ್ಘಕಾಲ ಉಳಿಯುತ್ತವೆ. ಎಂ.ಆರ್. ಅನಿಲ್ ಕುಂಚಿ ಅವರ ನಾಯಕತ್ವದಲ್ಲಿ ಈ ಸಂಘ ಉತ್ತಮ ದಿಕ್ಕಿನಲ್ಲಿ ಸಾಗುತ್ತಿದೆ,” ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಸಮಾಜಮುಖಿ ಕಾರ್ಯಗಳಲ್ಲಿ ಸದಾ ತೊಡಗಿಸಿಕೊಂಡಿರುವ ಅನಿಲ್ ಕುಂಚಿ ಅವರು. ಸುಂದರ ಮತ್ತು ಆಧುನಿಕ ಕಚೇರಿಯ ಮೂಲಕ ಎಲ್ಲ ವರ್ಗದ ಜನರಿಗೆ ನೆರವಾಗುವ ಕಾರ್ಯ ಆರಂಭಿಸಿರುವುದು ಶ್ಲಾಘನೀಯ ಎಂದರು. ಸಹಕಾರ ಕ್ಷೇತ್ರದಲ್ಲಿ ನಿಷ್ಠೆ ಮತ್ತು ವಿಶ್ವಾಸ ಅತ್ಯಂತ ಮುಖ್ಯ. ಆ ಗುಣಗಳು ಈ ಸಂಸ್ಥೆಯಲ್ಲಿ ಸ್ಪಷ್ಟವಾಗಿ ಕಾಣಿಸುತ್ತಿವೆ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದರು.

ಸಂಘದ ಆಡಳಿತ ವ್ಯವಸ್ಥೆ, ನವೀಕೃತ ಕಚೇರಿ ಹಾಗೂ ಜನಸ್ನೇಹಿ ಚಟುವಟಿಕೆಗಳು ಪ್ರಶಂಸನೀಯವಾಗಿವೆ. ಜಿಲ್ಲೆಯಲ್ಲಿ ಮಾದರಿ ಸಹಕಾರಿ ಸಂಸ್ಥೆಯಾಗಿ ಗೆಳೆಯರ ಬಳಗ ಬೆಳೆಯಲು ಸಹಕಾರ ಇಲಾಖೆ ಎಲ್ಲ ರೀತಿಯ ಸಹಕಾರ ನೀಡಲಿದೆ ಎಂದು ಭರವಸೆ ನೀಡಿದರು.

ಜನರ ನಂಬಿಕೆಯೇ ನಮ್ಮ ಬಲ: ಅಧ್ಯಕ್ಷ ಎಂ.ಆರ್. ಅನಿಲ್ ಕುಂಚಿ

ಸಂಘದ ಅಧ್ಯಕ್ಷ ಎಂ.ಆರ್. ಅನಿಲ್ ಕುಂಚಿ ಮಾತನಾಡಿ, ಗೆಳೆಯರ ಬಳಗವು ಬಡ ಮತ್ತು ಮಧ್ಯಮ ವರ್ಗದ ಕುಟುಂಬಗಳಿಗೆ ಆರ್ಥಿಕ ನೆರವು ನೀಡಿ ಸ್ವಾವಲಂಬಿ ಬದುಕು ಕಟ್ಟಿಕೊಡುವ ಉದ್ದೇಶದಿಂದ ಸ್ಥಾಪನೆಯಾಗಿದೆ ಎಂದು ಹೇಳಿದರು. ಇಲ್ಲಿ ಜಾತಿ, ಮತ, ಧರ್ಮದ ಬೇಧವಿಲ್ಲ, ಪ್ರತಿಯೊಬ್ಬ ಸದಸ್ಯನಿಗೂ ಸಮಾನ ಗೌರವ ಮತ್ತು ಅವಕಾಶ ನೀಡಲಾಗುತ್ತದೆ ಎಂದು ತಿಳಿಸಿದರು.

“ನಮ್ಮ ಸಂಘ ಕೇವಲ ಹಣಕಾಸಿನ ವ್ಯವಹಾರ ಮಾಡುವ ಸಂಸ್ಥೆಯಲ್ಲ. ಸಮಾಜಮುಖಿ ಚಿಂತನೆ, ಪರಸ್ಪರ ಸಹಕಾರ ಮತ್ತು ಮಾನವೀಯ ಮೌಲ್ಯಗಳನ್ನು ಬೆಳೆಸುವ ಕುಟುಂಬವಾಗಿದೆ. ಕಡಿಮೆ ಬಡ್ಡಿದರದಲ್ಲಿ ಸಾಲ, ಸುರಕ್ಷಿತ ಉಳಿತಾಯ ಹಾಗೂ ಸದಸ್ಯರಿಗೆ ಉತ್ತಮ ಲಾಭ ನೀಡುವ ಮೂಲಕ ಜನರ ಜೀವನದಲ್ಲಿ ಬದಲಾವಣೆ ತರಬೇಕೆಂಬುದು ನಮ್ಮ ಗುರಿ,” ಎಂದು ಹೇಳಿದರು.

ಜಿಲ್ಲೆಯ ಪ್ರತಿಯೊಂದು ತಾಲ್ಲೂಕು ಹಾಗೂ ಹೋಬಳಿ ಮಟ್ಟದಲ್ಲಿ ಸಂಘದ ಶಾಖೆಗಳನ್ನು ಆರಂಭಿಸುವ ಯೋಜನೆ ರೂಪಿಸಲಾಗಿದೆ ಎಂದು ತಿಳಿಸಿದ ಅವರು, ಮುಂದಿನ ದಿನಗಳಲ್ಲಿ ನೂರಾರು ಯುವಕರಿಗೆ ಉದ್ಯೋಗಾವಕಾಶ ಕಲ್ಪಿಸುವ ಮಹತ್ವಾಕಾಂಕ್ಷೆಯ ಗುರಿ ಹೊಂದಿದ್ದೇವೆ ಎಂದರು. “ನಮ್ಮಿಂದ ನಾಲ್ಕು ಜನರಿಗೆ ಒಳ್ಳೆಯದಾಗಬೇಕು ಎನ್ನುವುದು ನಮ್ಮ ಕನಸು. ಅದಕ್ಕಾಗಿ ಅತ್ಯಾಧುನಿಕ ತಂತ್ರಜ್ಞಾನ, ನವೀಕೃತ ಕಚೇರಿ ಮತ್ತು ಬಲಿಷ್ಠ ಸಿಬ್ಬಂದಿ ತಂಡವನ್ನು ರೂಪಿಸಿದ್ದೇವೆ,” ಎಂದು ಹೇಳಿದರು.

ಜನರ ವಿಶ್ವಾಸವೇ ನಮ್ಮ ಶಕ್ತಿ; ಉಳಿತಾಯವೇ ಭವಿಷ್ಯದ ಭದ್ರತೆ: ಎಂ.ಆರ್.ಅನಿಲ್ ಕುಂಚಿ

ಶಿವಮೊಗ್ಗದ ಜನತೆಯಲ್ಲಿ ಮನವಿ ಮಾಡಿದ ಅವರು, “ನಮ್ಮ ಸಂಸ್ಥೆಯ ಮೇಲೆ ನಂಬಿಕೆ ಇಟ್ಟು ಹೆಚ್ಚಿನ ಸಂಖ್ಯೆಯಲ್ಲಿ ಷೇರುಗಳನ್ನು ಪಡೆಯಿರಿ, ಉಳಿತಾಯ ಪ್ರವೃತ್ತಿ ಬೆಳೆಸಿಕೊಳ್ಳಿ. ನಿಮ್ಮ ಕಷ್ಟಕಾಲಕ್ಕೆ ಆಸರೆಯಾಗುವ ನಿಮ್ಮದೇ ಆದ ಈ ಸಂಘದಲ್ಲಿ ಮಾಡುವ ಉಳಿತಾಯಕ್ಕೆ ಅತ್ಯುತ್ತಮ ಲಾಭಾಂಶವನ್ನು ನಾವು ನೀಡಲಿದ್ದೇವೆ. ನಿಮ್ಮ ವಿಶ್ವಾಸವೇ ನಮ್ಮ ಸಂಸ್ಥೆಯ ಶ್ರೀರಕ್ಷೆ,” ಎಂದು ನಂಬಿಕೆ ಮತ್ತು ಭರವಸೆಯ ಮಾತುಗಳನ್ನಾಡಿದರು.

ಕಾರ್ಯಕ್ರಮದಲ್ಲಿ ಯೋಗಗುರು ರುದ್ರಾರಾಧ್ಯ, ರಾಮಚಂದ್ರಪ್ಪ, ಶ್ರೀಮತಿ ಪ್ರೇಮ, ಮುಖ್ಯ ಕಾರ್ಯನಿರ್ವಾಹಣಾಧಿಕಾರಿ (CEO) ಪ್ರತೀಕ್ ಸ್ವಾಮಿ ಎಂ.ಕೆ. ಅವರ ಚುರುಕಿನ ಆಡಳಿತದಲ್ಲಿ ಪ್ರಾದೇಶಿಕ ಮುಖ್ಯಸ್ಥ (RH) ಜಯವರ್ಧನ್ ಎನ್.ಎಲ್., ನಿರ್ದೇಶಕರುಗಳಾದ ಶ್ರೀಮತಿ ಜಯಂತಿ, ಶ್ರೀಮತಿ ಪುಷ್ಪ ಎಂ., ದೇವರಾಜ್ ಹೆಚ್.ಬಿ., ಜೀಶಾನ್ ಅಲಿಖಾನ್, ಗುಡ್ಡೋಜಿರಾವ್ ಪಿ., ರಾಘವೇಂದ್ರ ಎಂ., ಲಕ್ಕಪ್ಪ ಕೆ., ರಾಜಶೇಖರ್ ಪಿ.ಆರ್., ಲೋಕಯ್ಯ ಆರ್.ಪಿ., ಉಮೇಶ್ ನಾಯ್ಕ ಸೇರಿದಂತೆ ಆಡಳಿತ ಮಂಡಳಿಯ ಸದಸ್ಯರು, ಸಿಬ್ಬಂದಿ ವರ್ಗ, ಶೇರುದಾರರು ಹಾಗೂ ಅಪಾರ ಸಂಖ್ಯೆಯ ಸಾರ್ವಜನಿಕರು ಉಪಸ್ಥಿತರಿದ್ದರು.

ಆಧುನಿಕ ತಂತ್ರಜ್ಞಾನ, ಪಾರದರ್ಶಕ ಆಡಳಿತ, ಗ್ರಾಹಕರ ಮೇಲಿನ ಅಚಲ ನಂಬಿಕೆ ಮತ್ತು ಸಾಮಾಜಿಕ ಕಳಕಳಿಯೊಂದಿಗೆ ಹೆಜ್ಜೆಯಿಡುತ್ತಿರುವ ‘ಗೆಳೆಯರ ಬಳಗ ಸೌಹಾರ್ದ ಸಹಕಾರಿ ಸಂಘ’ ಶಿವಮೊಗ್ಗದ ಜನತೆಯ ಆರ್ಥಿಕ ಶಕ್ತಿಯಾಗಿ ಇತಿಹಾಸ ಸೃಷ್ಟಿಸುವುದರಲ್ಲಿ ಯಾವುದೇ ಸಂಶಯವಿಲ್ಲ.

ಸಹಕಾರದ ಶಕ್ತಿಯಿಂದ ಬೆಳೆಯಲಿ ಗೆಳೆಯರ ಬಳಗ: ಡಿಟೆಕ್ಟಿವ್ ನ್ಯೂಸ್ 24 ವತಿಯಿಂದ ಶುಭ ಹಾರೈಕೆ

ನಮ್ಮ ಡಿಟೆಕ್ಟಿವ್ ನ್ಯೂಸ್ 24 ವತಿಯಿಂದ “ಗೆಳೆಯರ ಬಳಗ ಸೌಹಾರ್ದ ಸಹಕಾರಿ ಸಂಘ”ಕ್ಕೆ ಶುಭ ಹಾರೈಕೆಗಳನ್ನು ಸಲ್ಲಿಸುತ್ತೇವೆ. ಜನಸೇವೆಯ ಉದ್ದೇಶದಿಂದ, ವಿಶ್ವಾಸ ಮತ್ತು ಪಾರದರ್ಶಕತೆಯ ತತ್ವಗಳೊಂದಿಗೆ ಕಾರ್ಯನಿರ್ವಹಿಸುತ್ತಿರುವ ಈ ಸಂಘವು ಮುಂದಿನ ದಿನಗಳಲ್ಲಿ ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿ ಎಂದು ಆಶಿಸುತ್ತೇವೆ. ಅಧ್ಯಕ್ಷ ಎಂ.ಆರ್. ಅನಿಲ್ ಕುಂಚಿ ಅವರ ನಾಯಕತ್ವದಲ್ಲಿ ಸಂಸ್ಥೆಯು ಸಹಕಾರ ಕ್ಷೇತ್ರದಲ್ಲಿ ಹೊಸ ಮೈಲುಗಲ್ಲುಗಳನ್ನು ಸ್ಥಾಪಿಸಿ, ಜಿಲ್ಲೆಯ ಜನತೆಗೆ ಆರ್ಥಿಕ ಭದ್ರತೆ ಮತ್ತು ಸಬಲೀಕರಣದ ದಾರಿಯಾಗಲಿ ಎಂಬುದು ನಮ್ಮ ಆಶಯ.