ಚಿಲ್ಡ್ರನ್ಸ್ ಬ್ಯಾಂಕ್, ಮನೋರಂಜನ್ ಬ್ಯಾಂಕ್ ಇತ್ಯಾದಿ ಹೆಸರಿನಲ್ಲಿ ಭಾರತೀಯ ಕರೆನ್ಸಿ ನೋಟುಗಳ ರೀತಿಯ ಮಕ್ಕಳ ಆಟಿಕೆ ನೋಟುಗಳು ಈ ಹಿಂದೆ ಬರುತ್ತಿದ್ದವು. ಅವುಗಳ ಗಾತ್ರ, ಬಣ್ಣ ಇತ್ಯಾದಿ ಗಳೂ ಚಲಾವಣಾ ನೋಟುಗಳಿಗಿಂತ ವ್ಯತ್ಯಾಸವೂ ಇದ್ದಿತ್ತು.
ಆದರೆ ಈಗ ಮನೊರಂಜನ್ ಬ್ಯಾಂಕ್ ಹೆಸರಿನಲ್ಲಿ ಮುದ್ರಿತವಾಗುವ ಆಟಿಕೆ(?) ನೋಟುಗಳು ಬಣ್ಣ, ಅಳತೆ, ಚಿತ್ರ ಸಂಪೂರ್ಣವಾಗಿ ನೈಜ ಕರೆನ್ಸಿ ನೋಟಿನ ತದ್ರೂಪಿಯಂತಿದ್ದು ಮೇಲ್ನೋಟಕ್ಕೆ ಯಾವುದೇ ವ್ಯತ್ಯಾಸ ಗೊತ್ತಾಗದಂತಿದೆ.
ಇತ್ತೀಚೆಗೆ ಹತ್ತರ ತದ್ರೂಪಿ ನೋಟೊಂದು ಅನೇಕರ ಕೈಬದಲಾಯಿಸಿ ಬಂದಾಗ ಇದರ ಉದ್ದೇಶ ಮನೋರಂಜನೆಯಲ್ಲ, ಮೋಸಗೊಳಿಸುವಿಕೆ ಎಂದು ಭಾಸವಾಯಿತು.
ಅದರಲ್ಲಿನ ಬರವಣಿಗೆಗಳು ಕಾನೂನಿನ ವ್ಯಾಪ್ತಿಯಿಂದ ನುಣುಚಿಕೊಳ್ಳಬಹುದಾಗಿದ್ದರೂ ಸಾರ್ವಜನಿಕರು ಬೆಸ್ತು ಬೀಳುವ ಇಂತಹ ತದ್ರೂಪಿ ನೋಟುಗಳ ಮುದ್ರಣ ಹಾಗೂ ಮಾರಾಟ (ಚಲಾವಣೆ)ವನ್ನು ಮಾನ್ಯ ಭಾರತೀಯ ರಿಸರ್ವ್ ಬ್ಯಾಂಕ್ ನಿಷೇಧಿಸಬೇಕು ಎಂದು ಈ ಮೂಲಕ ಕೋರುತ್ತೇನೆ.
— ತ್ಯಾಗರಾಜ ಮಿತ್ಯಾಂತ, ಶಿವಮೊಗ್ಗ
