🌺 ಓ ತಾಯಿ ಮಾರಿಕಾಂಬೆ… ಕಾಪಾಡು ನೀ… 🌺
ಸಿಹಿಮೊಗ್ಗೆಯ ಊರಲ್ಲಿ
ನೆಲೆ ನಿಂತೆ ನೀ ಕೋಟೆಯಲ್ಲಿ,
ಮಲೆನಾಡ ಹೆಬ್ಬಾಗಿಲಾಗಿ
ಊರ ಜನಕೆ ಕಾವಲಾಗಿ…
ಎರಡು ವರುಷಕ್ಕೊಮ್ಮೆ ನಿನ್ನ ಜಾತ್ರೆ,
ಸಂಭ್ರಮದ ನಿನ್ನ ಯಾತ್ರೆ,
ಲಕ್ಷೋಪಲಕ್ಷ ಭಕ್ತರ
ಕಾಪಾಡುವ ತಾಯಿ ನೀ…
🌼 ಮಹಿಮೆಯ ಮಹಾ ತಾಯಿ 🌼
ಮಾಯೆಯ ಮಾಯಾ ಲೋಕದ
ಮಾಯಾವಿ ದೇವಿ ನೀ,
ಇತಿಹಾಸ ಕೆದಕಿದಾಗ
ಮಹಾ ಮಹಿಮೆಯ ತಾಯಿ ನೀ…
ಮನೆ ಮಂದಿ ಮಕ್ಕಳಿಗೆಲ್ಲ
ಆರೋಗ್ಯ ದಾಯಿ ನೀ,
ಊರ ಜನಕೆ ಕ್ಷೇಮದಾತೆ
ವರ ಕೊಡುವೆ ನೀ…
🪔 ಜಾತ್ರೆಯ ಜ್ಯೋತಿ 🪔
ರೋಗ ರುಜು ಕಳೆಯುವ
ಸೌಖ್ಯದಾತೆ ನೀ,
ರಾಗದ ಆಲಾಪನೆಗೆ
ಒಲಿವ ದೇವಿ ನೀ…
ಊರ ತುಂಬ ಅಲಂಕಾರ
ವಿಜೃಂಭಿಸುವೆ ನೀ,
ದೀಪಾಲಂಕಾರ ಮೆರವಣಿಗೆ
ಝೇಂಕರಿಸುವೆ ನೀ…
🙏 ಕರುಣಾಮಯಿ ತಾಯಿ 🙏
ತಪ್ಪು-ಒಪ್ಪು ಏನೇ ಇರಲಿ
ಮನ್ನಿಸಿ ನಡೆಸು ನೀ,
ನಿನ್ನ ಕರುಣೆ ಕಾಣಬೇಕು
ಕನಿಕರಿಸು ದೇವಿ ನೀ…
ವರುಷಕ್ಕೊಮ್ಮೆ ಬಂದು
ಭಕ್ತರನ್ನು ಹರಸುವೆ ನೀ,
ಮತ್ತೆ ಆಶೀರ್ವದಿಸಲು
ಬರುವ ಕಾಲೇಶ್ವರಿ ನೀ…
🌿 ಆಶೀರ್ವಾದದ ಆರತಿ 🌿
ನೆಂಟರಿಷ್ಟರು ಬಂಧುಗಳಿಗೆ
ಆಶೀರ್ವದಿಸು ನೀ,
ಹಸಿಗೂಸು ಮಕ್ಕಳಿಗೆಲ್ಲ
ಅಭಯ ನೀಡು ನೀ…
ಭಯ-ಭಕ್ತಿ-ಶ್ರದ್ಧೆ ತುಂಬಿ
ಬಾಳು ಬೆಳಗು ನೀ,
ಮೌಢ್ಯತೆಯ ಮಾರಿಯನ್ನು
ತೊರೆದು ಬರಮಾಡು ನೀ…
🌸 ಗೀತೆ ನಮನ 🌸
ಶ್ರೀ ಸಂತೋಷ್ ಬಿದರಗಡ್ಡೆ
ಶಿಕ್ಷಕ · ಸಾಹಿತಿ
✨ ಜಾತ್ರೆಯ ಪವಿತ್ರ ಸಂದರ್ಭದಲ್ಲಿ ಈ ಭಕ್ತಿ ಗೀತೆ ತಾಯಿಯ ಕೃಪೆಗೆ ಸಮರ್ಪಣೆ ✨
